വായന- ശീലരൂപവൽക്കരണം

 

ഭാഷാനൈപുണികൾ--വായന

 

 വായന

ഭാഷാബോധനത്തിൽ വായനയുടെ പ്രസക്തി ഏറെ ചർച്ച ചെയ്യപ്പെടുന്നുണ്ട് .വായന ഒരു കല തന്നെയാണ് ആണ് കേവലം വാക്കുകളും അർത്ഥങ്ങളും പ്രയോഗവും വ്യാകരണകാര്യങ്ങളും ആശയങ്ങളും സ്വായത്തമാക്കുക എന്നതുമാത്രമല്ല വായനയുടെ ലക്ഷ്യം. മറിച്ച് പഠനമാണ് വായനയിലൂടെ നടക്കേണ്ടത് .വായന പാഠപുസ്തകത്തിൽ ഒതുങ്ങിയാൽ മാത്രം പോരാ, വായിക്കാൻ കിട്ടുന്ന ഒരു അവസരവും നാം പാഴാക്കരുത്. മാത്രമല്ല പഠനസഹായികൾക്കപ്പുറം സ്വീകരിക്കുന്ന എല്ലാ സ്രോതസ്സുകളും വായന സാധ്യമാക്കുന്നതാണ് . ലക്ഷ്യോന്മുഖമായ  പ്രവർത്തിയാണ് വായന .

വായനയിൽ പ്രധാനമായും നാല് ഘട്ടങ്ങളുണ്ട് ഉണ്ട്

1.       പദങ്ങളുടെ ലിഖിതരൂപം മനസ്സിലാക്കുക.

2.      മനസ്സിലാക്കിയ ലിഖിത രൂപങ്ങളെ ശബ്ദം ആക്കി മാറ്റുക .

3.      ഓരോ ശബ്ദവും സൂചിപ്പിക്കുന്ന ആശയങ്ങൾ പ്രത്യേകമായി മനസ്സിൽ

കൊണ്ടുവരിക .

4.      പ്രത്യേകമായി മനസ്സിൽ കടന്ന് ആശയങ്ങളെ ഏതെങ്കിലും അടിസ്ഥാനത്തിൽ ഏകീകരിക്കുക

 ഇതിൻറെ അടിസ്ഥാനത്തിൽ ആണ് വായന സംഭവിക്കുന്നത്

ഇവയാണ് വായനയിൽ അന്തർഭവിച്ചിരിക്കുന്ന മാനസികവ്യാപാരങ്ങൾ വായനയിൽ മാനസികവും ശാരീരികവുമായ ഘടകങ്ങൾ.

 വായനയിൽ അടങ്ങിയിരിക്കുന്ന ശാരീരികപ്രവർത്തനങ്ങൾ ഏതൊക്കെയാണെന്ന് നോക്കാം

കണ്ണുകളാണ്  വായനയെ സഹായിക്കുന്ന സഹായിക്കുന്ന പ്രധാന അവയവം .

·       കണ്ണുകൾ വായനയുടെ സമയത്ത് ഒരു വാക്കിൽ നിന്ന് അടുത്ത വാക്കിലേക്ക് അതിവേഗം നീങ്ങുന്നു .ഒരു സെക്കൻഡിന്റെ പത്തിലൊന്നു സമയം മാത്രമേ ഒരു വാക്ക് തിരിച്ചറിയുന്നതിന് ഉപയോഗിക്കുന്നുള്ളൂ . കണ്ണുകൾ ഒരു തവണ തരണം ചെയ്യുന്ന ദൈർഘ്യത്തിന് നയന വിസ്തൃതി എന്ന് പറയുന്നു.

·       ഒരു വാക്കിൽ നിന്ന് അടുത്ത വാക്കിലേക്ക് നീങ്ങുന്നതിനിടയിൽ കണ്ണുകൾ ആ വാക്കുകൾ തിരിച്ചറിയാൻ അൽപനേരം ശ്രമിക്കും .ഈ നിർത്തലിനു നയന സ്ഥിരണം അഥവാ നയന കേന്ദ്രീകരണം എന്ന് പറയുന്നു .

·       വായനയിൽ  യാദൃശ്ചികമായി ചില വാക്കുകൾ വിട്ടുപോകാം അല്ലെങ്കിൽ വായിച്ചത് മനസ്സിലാവാതെ വരാം .അപ്പോൾ മുമ്പ് കടന്നുപോയ ഭാഗത്ത് കൂടി കണ്ണുകൾ ഒരു തവണ കൂടി കടന്നുപോകുന്നു. ഇതിനെ പ്രതീപ ശമനം അഥവാ അധോഗമനം എന്ന് പറയുന്നു.

നയന വിസ്തൃതി വർധിപ്പിച്ചും നയന കേന്ദ്രീകരണവും അധോഗമനവും കുറച്ചുമാണ് വായനയിൽ വേഗത കൂട്ടാൻ ശ്രമിക്കേണ്ടതാണ്.

 

 വായനയുടെ പ്രധാന ലക്ഷ്യങ്ങൾ

·       ആശയഗ്രഹണം

·       പഠനത്തിൽ താൽപര്യം വളർത്തുക

·       വിജ്ഞാന സമ്പാദനം

·       ചിന്തയുടെ വികാസം

·       സാംസ്കാരിക പുരോഗതി

·       സാഹിത്യ ആസ്വാദനം

·       ഭാഷാ അഭിവൃദ്ധി

·       ഉത്തമ കൃതികളുടെ തെരഞ്ഞെടുപ്പ്

·       ആഹ്ലാദം ,ആസ്വാദന അനുഭവം

·       പദസമ്പത്ത് വർദ്ധിപ്പിക്കണം

·       പാഠപുസ്തകo മനസ്സിലാക്കുക

·       ഭാഷ സംസ്കാരം ആർജ്ജിക്കുന്നത് ഭാഷ എങ്ങനെ പ്രവർത്തിക്കുന്നു എന്നതിന് എന്നറിയുന്നതിന്

·       ഉച്ചാരണം അറിയുന്നതിന് ആശയവിനിമയത്തിന്

വായന അഭ്യസിപ്പിക്കുന്ന അതിനുള്ള മാർഗങ്ങൾ

 

വായന അഭ്യസിപ്പിക്കുന്ന രീതിയെ പൊതുവേ രണ്ടായി തിരിക്കാം

 

1.      യുക്ത്യനുസൃത  രീതി അഥവാഉദ്ഗ്രഥന രീതി

2.    മനഃശാസ്ത്ര രീതി അഥവാ അപഗ്രഥന രീതി

യുക്തിപൂർവ്വമായ രീതി

 ഓരോ ഭാഗവും പ്രത്യേകം പ്രത്യേകം പഠിച്ച്‌  അവസാനം എല്ലാം കൂടി യോജിപ്പിച്ച് പൊതുവായതിലേക്ക് കടക്കുന്നു.  സംയോജന രീതി , ഉദ്ഗ്രഥന രീതി എന്നും പറയാറുണ്ട് . അക്ഷരം ,പദം ,വാക്യം ,ആശയം എന്നീ ക്രമത്തിൽ വായന അഭ്യസിപ്പിക്കുന്ന രീതിയാണ് .

 അക്ഷരാവതരണ രീതി

ആധുനിക മനശാസ്ത്ര സിദ്ധാന്തങ്ങളുടെ യോജിക്കാത്ത രീതിയാണിത് അക്ഷരങ്ങൾ അവതരിപ്പിച്ച്‌ പിന്നീട് പദങ്ങളും വാക്യങ്ങളും അവതരിപ്പിക്കുന്നു. സ്വരങ്ങൾ, വ്യഞ്ജനങ്ങൾ ,കൂട്ടക്ഷരങ്ങൾ എന്നീ ക്രമത്തിൽ അക്ഷരങ്ങൾ പഠിപ്പിച്ച അതിനുശേഷം വായിക്കാൻ പരിശീലിപ്പിക്കുന്നു. പഴയകാലത്തെ എഴുത്തുകളരികൾ കുടിപ്പള്ളിക്കൂടങ്ങൾ എന്നിവിടങ്ങളിൽ നിലനിന്നിരുന്ന രീതിയാണിത്.

    നേട്ടങ്ങൾ

·       മലയാളം അക്ഷരോച്ചാരക  ഭാഷ ആയതിനാൽ കൂടുതൽ ഫലപ്രദമാണ് . ഉച്ചാരണം , ലേഖനം എന്നിവയിൽ തെറ്റുകൾ വരുന്നില്ല

·       ഭാഷാഭ്യാസനത്തിനോ  ലേഖനത്തിലോ  പറയത്തക്ക തെറ്റുകൾ വരുന്നില്ല

·       അക്ഷരം  ഭാഷയിലെ ഓർമ്മയിൽ ഒതുങ്ങുന്ന ഏറ്റവും ചെറിയ ഏകകം ആയതിനാൽ എല്ലാ കുട്ടികൾക്കും  അധ്യാപകർക്കും താരതമ്യേന പ്രയാസം കുറഞ്ഞ ബോധന രീതിയാണിത്

·       വ്യാകരണം, സന്ധി കാര്യങ്ങൾ എന്നിവ പഠിക്കാൻ ഈ രീതി എളുപ്പമാണ്

ദോഷങ്ങൾ

·       മനശ്ശാസ്ത്രപരമായി യാതൊരു അടിത്തറയും ഇല്ലാത്ത കൃത്രിമമായ ബോധന രീതിയാണിത് .

·       ഭാഷയുടെ അടിസ്ഥാനം ശബ്ദമാണ് ,അക്ഷരമല്ല.

·       അക്ഷരങ്ങളിൽ തുടങ്ങുന്ന പഠനം നമ്മൾ ലളിതമായതിൽ നിന്ന് സങ്കീർണമായതിലേക്ക് എന്ന ആശയത്തെ പിന്തുണയ്ക്കുന്നില്ല.

·       യാന്ത്രികമായ അക്ഷരങ്ങളുടെ പഠനം കുട്ടികളുടെ ചിന്താശേഷി വികസനത്തിന് പ്രാധാന്യം കൊടുക്കുന്നില്ല.

·       ആവർത്തിച്ച് അക്ഷരങ്ങൾ എഴുതി പഠിക്കുന്നത് കുട്ടികളിൽ പഠനത്തോടുള്ള വിരസതയും വെറുപ്പും ഉണ്ടാക്കുന്നു

·       കുട്ടികൾക്ക് ഉച്ചാരണ വൈകല്യങ്ങൾ ഉണ്ടാകാനുള്ള ഇടയുണ്ട്.

·       നിരീക്ഷണ ശക്തിയും ഭാവനയും ചിന്താശേഷിയും വികസിപ്പിക്കുവാൻ അക്ഷരാവതരണ രീതി സഹായിക്കുന്നില്ല

അപഗ്രഥന രീതി

 ഭാഷയുടെ മുഖ്യഘടകമായ ആശയത്തിനാണ് അപഗ്രഥന രീതി പ്രാധാന്യം നൽകുന്നത് .ആധുനിക വിദ്യാഭ്യാസ മന:ശാസ്ത്ര തത്വങ്ങളെ അനുകൂലിക്കുന്ന രീതിയാണിത്. ആശയം ,വാക്യം ,പദം ,അക്ഷരം എന്നീ ക്രമത്തിലാണ് ഇവിടെ പഠനം നടക്കുന്നത്.

 പദാവതരണ രീതി / ദൃശ്യഭാഷ ഭാഷണ രീതി

അധ്യാപകൻ ശബ്ദങ്ങളുടെ ലിഖിത രൂപങ്ങൾ പ്രദർശിപ്പിച്ച ആ ശബ്ദങ്ങൾ ഉച്ചരിക്കുന്നു .വാക്കുകൾ ബോർഡിൽ എഴുതുകയോ വാക്കുകൾ എഴുതിയ കാർഡുകളോ അവ സൂചിപ്പിക്കുന്ന ചിത്രങ്ങലോ  കുട്ടികൾക്ക് പരിചയപ്പെടുത്തി നൽകുന്നു. ഓരോ പദവും സൂചിപ്പിക്കുന്ന വസ്തുക്കളോ ചിത്രങ്ങളോ കുട്ടികൾക്ക് നൽകുന്നു . ആദ്യം നാമപദങ്ങൾ തുടർന്ന് ക്രിയാപദങ്ങൾ തുടർന്ന് വിശേഷണങ്ങൾ എന്നീ ക്രമത്തിലാണ് പഠിപ്പിക്കുന്നത് നിത്യജീവിതവുമായി ബന്ധപ്പെടുത്തി വസ്തു ബോധത്തിലൂടെ വ്യക്തമാക്കുന്നത് കൊണ്ട് ഈ രീതിയിൽ കുട്ടികൾക്ക് താൽപര്യമുണ്ടാകും .

ഗുണങ്ങൾ

·       പ്രകൃത്യനുസരണ രീതിയാണ് അർഥം മനസ്സിലാക്കി പദങ്ങൾ ഉൾക്കൊള്ളുന്നതിന് സാധിക്കുന്നു

·       നിത്യജീവിതവുമായുള്ള ബന്ധം

·       ചിത്രങ്ങളും മറ്റ് മാതൃകകളും കുട്ടികളുടെ പഠനത്തിൽ താൽപര്യവും ജിജ്ഞാസയും ഉണർത്തുന്നു

 ദോഷങ്ങൾ

·       എല്ലാ പദങ്ങളുടെയും ചിത്രമോ മാതൃകകളും നൽകി പഠിപ്പിക്കുക സാധ്യമല്ല

·       എല്ലാ പദങ്ങൾക്കും സമാനമായ അല്ലെങ്കിൽ അവയുടെ ആശയത്തെ സൂചിപ്പിക്കുന്ന ചിത്രങ്ങൾ കുട്ടികൾക്ക് പരിചയപ്പെടുത്തിക്കൊടുക്കുക സാധ്യമല്ല

·       പദങ്ങൾ പഠിക്കുന്നു എന്നതുകൊണ്ടുതന്നെ വായനയിൽ പരസ്പര ബന്ധം പുലർത്തണമെന്ന് നിർബന്ധമില്ല

·       പദത്തിന് ഊന്നൽ നൽകുമ്പോൾ അക്ഷരങ്ങളിൽ ഉള്ള ശ്രദ്ധ കുറയുന്നു

വാക്യ അവതരണരീതി

 പൂർണമായ ആശയം ഉൾക്കൊള്ളുന്ന ഒരു വാക്യത്തെ കുട്ടികൾക്ക് പരിചയപ്പെടുത്തുന്നു .വാക്യങ്ങളിൽ നിന്ന് പാത്രങ്ങളിലേക്ക്, പദങ്ങളിൽ നിന്ന് അതിലെ അക്ഷരങ്ങളിലേക്ക് കടക്കുകയാണ് ചെയ്യുന്നത് ചിത്രങ്ങളുടെയും മറ്റും സഹായത്തോടെ ഈ വാക്യങ്ങൾ കുട്ടികൾക്ക് പരിചയപ്പെടുത്തി നൽകാവുന്നതാണ്. മാത്രമല്ല നൽകുന്ന വാക്യങ്ങൾ നിത്യജീവിതവുമായി ബന്ധമുള്ളതും ആയിരിക്കണം

മെച്ചങ്ങൾ

·       അർഥപൂർണമായ വാചകങ്ങളാണ് ചിന്തയുടെ ഏകകം എന്നതിനാൽ എന്നാൽ വാക്യ അവതരണരീതി ചിന്താ പ്രധാനമാണെന്ന് പറയാം.

·       പൂർണമായ ആശയങ്ങൾ കുട്ടികൾ ഉൾക്കൊള്ളുന്നതിന് സഹായിക്കുന്നു.

·       വ്യക്തമായി സംസാരിക്കുന്നതിനും പ്രഭാഷണങ്ങൾ നടത്തുന്നതിനും വാക്യ അവതരണരീതി സഹായിക്കുന്നു

·       ഭാഷണശേഷി വികാസം

ദോഷങ്ങൾ

·       പൂർണ്ണമായ ഒരു ആശയം ഉൾപ്പെടുന്ന വലിയ വാക്യങ്ങൾ കുട്ടികൾക്ക് ഉൾക്കൊള്ളാൻ കഴിയാതെ പോകുന്നു .

·       പ്രാഥമിക ഘട്ടങ്ങളിൽ കുട്ടികൾക്ക് വാക്യം മുഴുവനായി വായിക്കുവാനും ഓർത്തുവയ്ക്കാൻ ബുദ്ധിമുട്ട് അനുഭവപ്പെടുന്നു.

·       വാക്യങ്ങൾക്ക്  /  ആശയങ്ങൾക്ക് പ്രാധാന്യം നൽകുന്നു എന്നതിനാൽ അക്ഷരങ്ങളിലേക്ക് ഉള്ള ശ്രദ്ധ പൊതുവേ കുറയാൻ ഇടയുണ്ട്

കഥാവതരണ രീതി /ഖണ്ഡികാവതരണരീതി

 ചെറിയ വാക്യങ്ങൾ അടങ്ങുന്ന കഥകൾ അല്ലെങ്കിൽ ഖണ്ഡികകൾ കുട്ടികൾക്ക് നൽകി അവയിൽനിന്നും ചെറിയ വാക്യങ്ങൾലേക്ക്     തുടർന്ന് അക്ഷരങ്ങളിലേക്ക് കടന്നുചെല്ലുന്ന രീതിയാണ്. കഥയ്ക്ക് പകരം ഒരു സംഭവത്തിന്റെ പൂർണമായ വിവരണങ്ങളോ  മറ്റോ ആകാം. നർമ്മ ബോധത്തോടുകൂടി രസകരമായ കൊച്ചു കഥകളും കുട്ടികൾക്ക് നൽകാവുന്നതാണ്

മേന്മകൾ

·       കുട്ടികൾക്ക് കഥകൾ കേൾക്കാൻ ഇഷ്ടമാണ് എന്നതുകൊണ്ടുതന്നെ കുട്ടികൾക്ക് പഠനത്തിൽ കൂടുതൽ താല്പര്യം ഉണ്ടാകുന്നു

·       ഭാവനാശേഷിയും സാഹിത്യാഭിരുചിയും വളർത്താൻ സഹായിക്കുന്നു

·       വായനയിൽ താൽപര്യം വളർത്തുന്നു

·       കഥയുടെ ആശയത്തിൽ  ആണ് കുട്ടികൾ കൂടുതൽ ശ്രദ്ധിക്കുന്നത്.

അതുകൊണ്ടുതന്നെ വാക്യഘടന, പദങ്ങൾ, അക്ഷരങ്ങൾ എന്നിവയിലുള്ള ശ്രദ്ധ കുറയുന്നു

·       എല്ലാ പദങ്ങളും കഥയിലൂടെ പഠിപ്പിക്കാനുള്ള സാഹചര്യമില്ല

·       കഥയിൽ മാത്രമായിരിക്കും കുട്ടികൾക്ക് താൽപര്യം ഭാഷാപരമായ കാര്യങ്ങളിൽ ശ്രദ്ധ കുറയുന്നു

മിശ്ര രീതി

മേൽ  പറഞ്ഞ ഓരോ രീതിക്കും അതിൻറെതായ ഗുണദോഷങ്ങൾ ഉണ്ട്. അതുകൊണ്ട് ആവശ്യാനുസരണം ഈ രീതികൾ കൂട്ടിയോജിപ്പിച്ച്  ഉപയോഗിക്കാം .മനശാസ്ത്രപരമായ രീതികൾ ഉപയോഗിക്കുന്നതോടൊപ്പം തന്നെ ആവശ്യാനുസരണം പഴയ രീതികൾ കൂടി സംയോജിപ്പിച്ച് ക്ലാസ്മുറികളിൽ വായന അഭ്യസനത്തിനു  സ്വീകരിക്കാവുന്നതാണ്.

 വിവിധ വായനാരീതികൾ

 തീവ്രവായന

  കൃത്യതക്ക് വേണ്ടിയുള്ള പാഠപുസ്തക വായനയാണ് ഇതുകൊണ്ട് അർത്ഥമാക്കുന്നത് വിശാലമായ അർത്ഥത്തിൽ ഇതിൽ സംബന്ധിക്കുന്ന അർത്ഥങ്ങൾ ലഭിക്കുന്നതിനുള്ള ആഴത്തിലുള്ള വായനാ സമീപനമാണ് .പാഠ്യപദ്ധതിയുടെ ഘടന അടിസ്ഥാനപ്പെടുത്തിയാണ് തീവ്ര വായന നിലനിൽക്കുന്നത് .കേന്ദ്ര ആശയം കണ്ടെത്തുന്നതിനും  മുഴുവൻ അർത്ഥ ഗ്രഹണം നടത്തുന്നതിനു ഓരോ ഓരോ വാചകങ്ങളുടെ യും അർത്ഥം പ്രത്യേകമായി മനസ്സിലാക്കുന്നതിനും ആശയത്തിന്റെ  ക്രമം മനസ്സിലാക്കുന്നതിനും  വിവരങ്ങൾ വിശകലനം ചെയ്യുന്നത്തിനും  ഉതകുന്ന തരത്തിലുള്ള വായനയാണ് തീവ്രവായന .വായിക്കുന്നതു നന്നായി മനസ്സിലാക്കുകയും വികസനം നടത്തുകയും ചെയ്യുന്നു എന്നത് തീവ്രവായനയുടെ പ്രത്യേകതയാണ്. നിയതമായ വ്യവസ്ഥകൾക്ക് അനുസൃതമായും  ഇത്തരം വായനരീതി. വ്യത്യസ്തതരം ചിത്രങ്ങളും വരകളും പാഠഭാഗത്ത് ഉണ്ടായിരിക്കും ബുദ്ധിമുട്ടുള്ള വാക്കുകൾ ശൈലികൾ ആശയങ്ങൾ എന്നിവ അധ്യാപകർ വിശദീകരിച്ച് നൽകേണ്ടതാണ് .

അതിവ്യാപന വായന/ വിശാലമായ വായന

 തീവ്രവായനയിൽ നിന്നും വ്യത്യസ്തമാണ് .ഓരോ വാക്കും മനസ്സിലാക്കാതെ, വായിക്കുന്നത് എന്തോ അതിൻറെ മൊത്തത്തിലുള്ള ആശയം മനസ്സിലാക്കുന്നത്.

വായനനൈപുണി വികസിപ്പിക്കുമ്പോൾ അതിനോടൊപ്പം വികസിക്കേണ്ട ഉപവായനാ നൈപുണികൾ

1.      വേഗവായന നൈപുണി (skimming skill) -കേന്ദ്രആശയം പെട്ടെന്ന് വായിച്ചു മനസ്സിലാക്കുവാൻ

2.      സൂക്ഷ്മപരിശോധന നൈപുണി (scanning)- വലിയൊരു ആശയത്തിൽ നിന്ന് പ്രത്യേകമായ ഒരു ആശയം പെട്ടെന്ന് വായിച്ചു മനസ്സിലാക്കു ന്നു

3.      ശീഘ്രവായന  (Rapid Reading Skill) പ്രധാന ആശയങ്ങൾ വിശാലമായ അർത്ഥത്തിൽ വായിച്ച് ഉൾക്കൊള്ളുന്ന ത്തിനുള്ള നൈപുണി

4.    പഠനവായന നൈപുണി (study reading skills)-അഗാധമായ തലത്തിൽ ആശയഗ്രഹണം നടത്തുന്നതിനുള്ള വായനാ നൈപുണി ആണ്

 ശ്രാവ്യവായന

വായനാപരിശീലനത്തിന് ആദ്യഘട്ടത്തിൽ ശ്രാവ്യവായനയാണ് പരിശീലിപ്പിക്കേണ്ടത്.  സ്വയം ഉച്ചത്തിൽ വായിക്കുകയും   മറ്റുള്ളവരെ ഗ്രഹിപ്പിക്കുകയും ചെയ്യുന്നതാണ് ശ്രാവ്യ വായന.ഉറക്കെ  വായിച്ചു പോവുകയാണ് ഈ രീതിയിലുള്ള വായയിൽ നടക്കുന്നത്. ശരിയായ പരിശീലനം ലഭിക്കുകയും മാംസപേശികളുടെ വികാസത്തിന് സഹായകമാവുകയും ചെയ്യുന്നു.  വായനയിൽ ഇത് സ്പുടത ഉണ്ടാകുന്നു

 

മൗനവായന

പ്രായോഗിക ജീവിതത്തിൽ ഏറ്റവും കൂടുതൽ പ്രയോജനം മൗനമായ വായനക്കാണ് .കുറഞ്ഞ സമയം കൊണ്ട് കൂടുതൽ വായിക്കുവാനും ആശയങ്ങൾ വ്യക്തമായി ഗ്രഹിക്കുവാൻ മൗനമായി വായിക്കുമ്പോൾ  കഴിയുന്നു ശാരീരിക ക്ഷീണം അനുഭവപ്പെടാതെ കൂടുതൽ വായിക്കാൻ കഴിയുന്നു എന്നത് മൗനമായി വായിക്കുന്നതിന്റെ വലിയ നേട്ടമാണ്. ശരിയായ പരിശീലനം നേടിയ ശേഷം മാത്രമേ മൗനമായി വായിക്കാവൂ . വിജ്ഞാനത്തിനും വിനോദത്തിനും അനുയോജ്യം മൗനമായി വായിക്കാൻ കഴിയുന്നത്

          ക്രിയാത്മകമായ  വായന എങ്ങനെ പ്രാവർത്തികമാക്കാം?

·       വിഷയം പദസമ്പത്ത് പാഠ്യ വസ്തു എന്നിവയെക്കുറിച്ചുള്ള മുന്നറിവ്

·       ഉള്ളടക്ക സൂചകങ്ങളും ബന്ധപ്പെട്ട അഭ്യാസങ്ങളും

·       വായനയിലൂടെ ആശയമുള്ള ആശയഗ്രഹണം എളുപ്പമാക്കുന്നു

·       വായിക്കുന്ന സമയം തന്നെ ഉത്തരങ്ങൾ മുൻകൂട്ടി കാണുക

·       വാചകം എങ്ങനെ രൂപപ്പെടുന്നു എന്ന പരികല്പനയുടെ പരിശോധന

ക്രിയാത്മകമായ തന്ത്രങ്ങൾ

·       വാച്യാർഥ  രൂപരേഖ / സെമിറ്റിക് മാപ്പിംഗ് -ഒരു വായനാ വസ്തുവിലെ വ്യത്യസ്ത ഭാഗങ്ങൾ എങ്ങനെ വിശ്വസിക്കപ്പെട്ടിരുന്നു എന്നതിൻറെ സൂചകം ആണിത്

·       ഘടനാദ്യുതി - ഒരു പാഠ്യവസ്തുവിൻറെ നീളം ഖണ്ഡിക , ഭാഷ ,ആശയങ്ങളുടെ വികസനം ഒക്കെ ചാർട്ട് രൂപത്തിൽ തയ്യാറാക്കുന്നതിനാണ് ഘടനാദ്യുതി എന്ന് പറയുന്നത്

·       വികസനാത്മക ലഘൂകരണം- ഒരു പഠനവസ്തുവിലെ പ്രധാന ആശയങ്ങൾ സംഗ്രഹിച്ച് ലഘൂകരിച്ച്  സൂചകങ്ങൾ ആക്കുന്ന പ്രക്രിയ

പാഠ്യവസ്തു അനുഭവബന്ധം -വായനയിലൂടെ കൂടെ അറിഞ്ഞതും പാഠ്യ വസ്തുവിൻറെ ഉള്ളടക്കവുമായി താരതമ്യം ചെയ്യുന്ന മാനസിക പ്രക്രിയ .ഉള്ളടക്കം വായിക്കുന്നതിനു മുമ്പ് തന്നെ അതിനെ അടിസ്ഥാനമാക്കി ആശയത്തെ കുറിച്ച് ചർച്ച ചെയ്യുന്നു .എന്താണ് വായിക്കാൻ പോകുന്നത് എന്നതിനെ സംബന്ധിച്ച് ഒരു പ്രവചനമാണ് അനുഭവബന്ധത്തിൽ ഉൾപ്പെടുന്നത് .

 

 

 

 

 

ഭാഷാനൈപുണികൾ

 
ഭാഷാനൈപുണികൾ

 അധ്യാപനം ഒരു സർഗ്ഗാത്മക പ്രക്രിയയാണ് .ബൗദ്ധികമായ ഇടപെടൽ മാത്രമായി അധ്യാപനത്തെ കാണരുത് . ഭാഷ പഠിക്കുന്നതിന്റെ ഉദ്ദേശം തന്നെ ആ ഭാഷയിൽ ആശയവിനിമയത്തിന്  പ്രാപ്തരാക്കുക എന്നതാണ്. അതുകൊണ്ടുതന്നെ ഭാഷ നൈപുണികൾ കൈവശമാക്കുവാൻ കുട്ടികളെ പ്രാപ്തരാക്കാൻ പറ്റുന്ന തരത്തിലുള്ള  തായിരിക്കണം ഭാഷാപഠന ക്ലാസുകൾ .

ഭാഷയിലെ പ്രധാന നൈപുണികളെ  നാലായി തിരിക്കാം- ശ്രദ്ധ ,സംഭാഷണം , വായന ,എഴുത്ത് എന്നിവയാണ് പ്രധാന നാല് നൈപുണികൾ .

ഈ നാല് നൈപുണികളെ  വീണ്ടും രണ്ടായി തിരിക്കാം

1.സ്വീകരണ നൈപുണികൾ  - ശ്രദ്ധ, വായന

2 ഉൽപാദന നൈപുണികൾ- സംഭാഷണം , എഴുത്ത്

ശ്രദ്ധ (listening)

  ഭാഷാനൈപുണികളിൽ ആദ്യത്തേതും പ്രധാനപ്പെട്ടതും ആണ് ശ്രദ്ധ. ശ്രദ്ധയും ശ്രവണവും ഒരേ അർത്ഥത്തിലാണ് നാം പ്രയോഗിക്കുന്നത്. എന്നിരുന്നാലും അവയ്ക്ക് തമ്മിൽ വ്യത്യാസങ്ങളുണ്ട് .ശ്രവണ നൈപുണികൾ  വികസിപ്പിക്കുന്നതിൽ കുടുംബാന്തരീക്ഷത്തിനു  പങ്കുണ്ട്.  ശബ്ദം , ശ്രവണം ഇവ ഒരേ സാങ്കേതികാർത്ഥത്തിൽ നാം പ്രയോഗിക്കാറുണ്ട് . എന്നാൽ ഇവ രണ്ടും വ്യത്യസ്ത കഴിവുകൾ ആണ് .ശബ്ദതരംഗങ്ങളുടെ ശ്രവണ ഇന്ദിയങ്ങളിൽ  കൂടിയുള്ള ഭൗതിക സ്വീകരണമാണ് ശ്രവണം. ശ്രവണ ഇന്ദ്രിയത്തിന് തകരാർ സംഭവിച്ചവർക്ക്  സംഭവിച്ചവർക്ക് ഒഴികെ എല്ലാവർക്കും ശ്രവിക്കാൻ സാധിക്കും . ഭൗതികമായി ശ്രമിച്ചതിന് നേർക്കുള്ള മാനസിക പ്രതികരണമാണ് ശ്രദ്ധ. ശ്രവണശേഷിക്ക് പ്രശ്നങ്ങളുള്ളവർ കേൾക്കുന്നില്ല എങ്കിലും ശ്രദ്ധിക്കുന്നുണ്ട്. ശ്രദ്ധയെ പ്രധാനമായും രണ്ട് വിഭാഗങ്ങളായി തിരിക്കാം.

അവഗാഢമായ ശ്രദ്ധ

ധാരണാശക്തിയോടുകൂടി ഉള്ള ശ്രദ്ധയാണിത്.പ്രത്യേക സമയങ്ങളിലും സന്ദര്ഭങ്ങളിലും നടക്കുന്നു

രണ്ട് ബാഹ്യമായ ശ്രദ്ധ

 നേരമ്പോക്കിന് വേണ്ടി യുള്ള അശ്രദ്ധമായ ശ്രദ്ധ . ഗൗരവമായി ശ്രദ്ധിക്കുന്നില്ല എന്നതിനാൽ എന്നാൽ അല്പസമയത്തിനുശേഷം കേട്ട കാര്യങ്ങൾ എല്ലാം മറന്നു പോകാൻ ഇടയുണ്ട് .

 ശ്രദ്ധയെ വീണ്ടും നാലായി തിരിച്ചിട്ടുണ്ട്

·       നാമമാത്രമായ ശ്രദ്ധ

അദ്ധ്യാപകൻ ക്ലാസ്സിൽ പഠിച്ചു കൊണ്ടിരിക്കുമ്പോൾ ചില കുട്ടികൾ എന്തെങ്കിലും കാര്യങ്ങൾ ചെയ്തു കൊണ്ടിരിക്കുകയോ സംസാരിക്കുകയോ ചെയ്യുന്നു .ഇത്തരത്തിൽ ഉള്ള  ശ്രദ്ധയാണ്  നാമമാത്രമായ ശ്രദ്ധ എന്ന് പറയുന്നത് .

·       ആസ്വാദന പ്രധാനമായ ശ്രദ്ധ

 അധ്യാപകൻ കഥ പറയുകയോ കവിത ചൊല്ലുകയോ ചെയ്യുമ്പോൾ ക്ലാസ് മുഴുവൻ അധ്യാപകൻ ശ്രദ്ധിക്കും ആസ്വാദന പരമായ ശ്രദ്ധ ആണിത്.

·       ബോധപൂർവമായ ശ്രദ്ധ

അധ്യാപക നിർദേശങ്ങൾ നൽകുമ്പോൾ ,കാര്യങ്ങൾ വിശദീകരിക്കുമ്പോൾ ബോധപൂർവ്വമായി നടക്കുന്ന പ്രക്രിയ

·       അപഗ്രഥന പരമായ ശ്രദ്ധ

·       കേട്ട കാര്യങ്ങളുടെ വിശദാംശങ്ങളിലേക്ക് കടന്ന് വിശകലനത്തിലേക്ക് പോകുന്ന ശ്രദ്ധയാണ് അപഗ്രഥനപരമായ ശ്രദ്ധ

 

ഭാഷാപഠന ക്ലാസുകളിൽ ബോധപൂർവ്വമായ ശ്രദ്ധയും ആസ്വാദനപരമായ ശ്രദ്ധയും അപഗ്രഥനപരമായ ശ്രദ്ധയും വികസിപ്പിച്ചെടുക്കേണ്ടതാണ് .

ശ്രദ്ധാ നൈപുണി വികസിപ്പിക്കുന്നതിനുള്ള മാർഗങ്ങൾ

·       റെക്കോർഡ് ചെയ്ത് ടേപ്പുകളുടെ ഉപയോഗം

·       അധ്യാപകർ ക്ലാസ് മുറികളിൽ നിർമ്മിക്കുന്ന പ്രത്യേക പ്രവർത്തനങ്ങൾ

·       അധ്യാപകന്റെ വായനയും സംസാരവും മാതൃകാപരം ആയിരിക്കണം അധ്യാപകൻ ഒരിക്കലും വാചാലൻ ആകരുത്

·       അധ്യാപകന്റെ  സംസാരത്തിന് വേഗത ,ഊന്നൽ, ആരോഹണ- അവരോഹണക്രമം എന്നിവ ഉണ്ടായിരിക്കണം

·       ആംഗ്യഭാഷ ഉപയോഗിക്കണം

·       പ്രകൃതി ശബ്ദങ്ങൾ ശ്രദ്ധിക്കുക

·       നിർമ്മിതശബ്ദങ്ങളിൽ ശ്രദ്ധിക്കുക

·       മനുഷ്യശബ്ദങ്ങളെ തിരിച്ചറിയുക

·       പ്രകൃതിയെ ആസ്വദിക്കുക

·       ശബ്ദത്തെ അത് പുറപ്പെടുവിക്കുന്ന വസ്തുവുമായി ബന്ധിപ്പിച്ച് അവബോധം നേടുക

ശബ്ദങ്ങളെ താരതമ്യം ചെയ്യുക